!مميزات سيارات انفيجو

   نحرص في تطبيقنا دايم على توفير سيارات بأفضل المواصفات عشان نخلي تجربة السواقة معنا سهلة وممتعة، ولأنك تقضي وقت طويل بسيارتك، مهم تعرف تفاصيل أكثر عن مواصفاتها وتستفيد منها …

 

 نحرص في تطبيقنا دايم على توفير سيارات بأفضل المواصفات عشان نخلي تجربة السواقة معنا سهلة وممتعة، ولأنك تقضي وقت طويل بسيارتك، مهم تعرف تفاصيل أكثر عن مواصفاتها وتستفيد منها بأكبر شكل ممكن، هنا تلقى بعض المميزات اللي يحبها مشتركينا بسياراتنا وتفاصيل أكثر عنها

 

:البلوتوث

وحدة من أهم المميزات العملية اللي يبحث عنها الشخص بسيارته هي البلوتوث، وجود هذي الميزة بسيارتك راح يسهل عليك حياتك مرة، تقدر تشبك جوالك بدون أي اسلاك باستخدام البلوتوث وتستمتع بسماع كل شيء تحبه، كتاب صوتي أو أغنية أو بودكاست، انت وجوك! بالإضافة لإمكانية الرد على المكالمات بدون ما تضطر تمسك الجوال (وتأخذ لك مخالفة)

!كلم، اسمع واستمتع بأمان

:التحكم بالسرعة

مخالفات الخطوط انساها! مع ميزة التحكم بالسرعة تقدر تثبت سرعة السيارة بالخطوط والمشاوير الطويلة وتشيل رجلك عشان تريّح لك شوي.. أهم شي خلي عينك عالطريق ورجلك جاهزة، الميزة هذي موجودة عشان تسهل عليك وماهي عذر عشان تتكاسل. طبعًا لا تنسى بأن تثبيت السرعة يساهم في تقليل استهلاك البنزين، فليش ما توفر كم ريال في جيبك باستخدام ميزة التحكم بالسرعة؟

:حسّاسات/ كاميرا خلفية

الميزة هذي مهمة للكل وخصوووصًا المبتدئين! مع الميزة هذي صرت تقدر

 تلبق/ تركن سيارتك * بدون ما تطلب مساعدة من شخص يتمشى بأمان الله بالشارع*. الحساسات والكاميرا الخلفية راح توفر عليك حوادث سخيفة وحكّات كثيرة انت بغنى عنها

!مع الميزة هذي المواقف الصغيرة راح تكون لعبتك

:مفتاح تحكم ذكي

ماسك جوالك بيدك اليمين وتكلم وقهوتك بيدك اليسار، قولي كيف راح تقدر تفتح سيارتك؟

!بضغطة زر بمفتاحك الذكي تنحل المشكلة بكل بساطة

صحيح الميزة هذي تعتبر من الرفاهية بس وين المشكلة لو استفدت منها؟ 

 

الميزات الموجودة عندنا كثيرة، وتقدر تلقى على تطبيقنا تفاصيل أكثر عنها، بس قول لنا وش الميزة اللي يهمك وجودها عشان نقترح عليك السيارات اللي تناسبك؟

Don't get left in the dust!

Join our community to stay up to date on cool car stuff

Download now, get a car today

Get the Invygo app for iOS or Android to browse, checkout and drive in just a few hours.

Download app See the cars