...السواقة في وقت الذروة، الشر الذي لابد منه

...وأنت عالق في زحمة شوارع السعودية، راح تشوف أشكال وألوان من السواقين

لكن في شخصيات تبرز بهذا الوقت وإلّا ما تصادفها وأنت بالزحمة، مثلًا الشخص المتوتر، سواء توه بادي يسوق أو صار له عشر سنوات يسوق، الزحمة تخليه ينسى كل اللي تعلمه!  يخاف على نفسه وسيارته كثير وهالشي يخليه حاط رجله على الفرامل أكثر بكثييير من دعسه للبنزين، وإذا اللي معه بالسيارة عجلوه رد عليهم: كل شي لاحقين عليه أهم شي نطلع سالمين... عكس الشخصية المتهورة أو اللي يسمونه الطاير! تظن من سرعته أن زوجته رايحه تولد وهو كل همه إن الغدا ما يبرد عليه. يحسسك انه السواقة سباق ومن شروطها انه ما يعطي إشارة قبل ما يلف يمين ويسار، وبالنسبة له اللي حوله دايم هم الغلطانين أكيييد. وفي طبعًا البارد، اللي شاري راحة باله وما يردد غير ما في شي بيطير يا جمااااعه... تلقاه يقشر برتقاله بنص الزحمة ولا يشرب كاسة شاي الساعة ٤ العصر وفاتح الشباك مع انه درجة الحرارة ٥٠.. وعشان يمشي الوقت تلقاه يسمع بودكاست عن الاحتباس الحراري ويتناقش مع خويه عن تأثير السوشيال ميديا على طبيعة العلاقات الاجتماعية

كل مدينة تشتهر بطرق معينة ومعروفه بزحمتها، وخصوصًا بأوقات الذروة، مثلًا الرياض في وقت معرض الكتاب وإلا في موسم الرياض وخصوصًا عند البوليفارد وطريق ونتر وندرلاند! أو طريق خريص والدائري وقت الطلعة من الدوامات. أما بجدة وخصوصًا بفصل الشتاء، بتصادف الزحمة عند الكورنيش الجديد أو في البلد. وفي الدمام، طريق الامير نايف بن عبد العزيز (جهة محلات الجملة والبضايع المخفضة) وطريق الملك فهد من أكثر الطرق شهره بزحمتها بكل الاوقات. معرفتك للطرق هذي يساعدك تتعامل مع أوقات الذروة بمرونة أكبر وبتوتر أقل، واختيارك للسيارة المناسبة مهم جدًا عشان تسوق بكل ثقتك في زحمة شوارع السعودية

!السيارات الصغيرة سيارات مثالية للسواقة والحصول على مواقف بكل سهولة مع الزحمة (مثل تويوتا يارس) -

!السيارات بمساحات داخلية واسعة تعتبر مناسبة للتنقل كمجموعات لتسهيل عملية السير في الزحمة (مثل هونداي اكسنت) -

!المقاعد الداخلية بجودة عالية ضرورية عشان تكون مرتاح وانت عالق بالزحمة (مثل نيسان صني) -

معرفتك لحاجاتك وأولوياتك تسهل عليك اختيار السيارة اللي تناسبك عشان تخلي تجربة السواقة في أوقات الذروة تجربة سهلة وخفيفة

:وأيًا كانت شخصيتك بالزحمة، وأيًا كانت السيارة اللي تسوقها، في نصايح وإرشادات تسهل عليك السواقة في وقت الذروة

السلامة أولًا، ومثل ما يقول خوينا البارد: مافي شي بيطير يا جمااااعه -

الالتزام بقوانين القيادة والمرور شي أساسي لسلامتك وسلامة اللي حولك -

السواقة تتطلب انتباهك التام، وخصوصًا وقت الزحمة -

اترك مسافة آمنه بينك وبين السيارة اللي قدامك -

استخدام سيارتك يساعدك إنك تكسب وقت أكثر من استخدام تطبيقات التوصيل -

استمتع بالوقت الضائع بالاستماع لشي مسلي أو مفيد مثل كتاب صوتي أو بودكاست بس احرص ما يتشتت انتباهك عن الطريق -

اعرف الطرق المزدحمة اللي تمر فيها وخطط عشان تتفاداها إما بتغيير وقت خروجك أو استخدام طرق مختصرة أخرى بمساعدة - تطبيقات الخرائط

شاركنا وش الشوارع اللي تشتهر بزحمتها بأوقات الذروة بمدينتك، وتكنيكاتك الخطيرة عشان تتفادى الزحمة على #وقت_الذروة_انفيجو