موسم الكشتات

دخل الشتاء، وموسم الكشتات بدأ، الموسم المفضل لكثير من السعوديين كبار وصغار، شباب وبنات..  الوقت المثالي إنك تطلع للبر وتشم هواء نظيف بعيد عن المدن وضجتها، وبما إننا عارفين إنه الموسم هذا قصير، لازم نستغل كل يوم فيه

:فعاليات الكشتات

فيه فعاليات كثير الواحد يقدر يستمتع فيها بالكشته، الجو الحلو يخلي اللي ما يحب يطبخ يطبخ، واللي يستحي ينطرب يرقص ويغني، والخواف فجأة يصير جريء ومغامر! هذا الموسم المناسب عشان تقضي وقت خاص مع عايلتك وأصحابك، تشاركهم الفعاليات اللي يحبونها بعيد عن أي التزامات ومشتتات

وحدة من أهم مقومات الكشته الناجحة هي الأكل! الشوي والكبسات لها طعم غير في البرد، وخصوصًا لو شارك بتحضيرها الكل

 الكرك وشاهي الحطب له متعة ثانية خصوصًا مع سوالف الرعب والخرافات حزة المغرب حول شبة الحطب

الألعاب الجماعية مثل (البلوت حبيب الشعب!) والألعاب اللوحية والمسابقات ممتعة جدًا وتقدر تقضي فيها ساعااات

وطبعًا ما ننسى الفعالية اللي الكل يترقبها وينتظر هالموسم عشانها!  (التطعيس*)، الفعالية الأساسية للكشته

*الفعالية هذه تتطلب مسؤولية وخبرة وتأمين خاص وشامل، كن واعي

شاركنا وش الفعاليات اللي تحب تسويها بالكشته على هذا الهاشتاق #كشته_انفيجو

:قائمة تذكيرية بأغراض ممكن تحتاجها للكشتة

سماعات -
أدوات شواء -
مخدات وبطانيات والفرشة -
ألعاب -
عدة القهوة والشاهي والكرك والماء -
إسعافات اولية -
فحم/ حطب -

تذكير – تأكد من جاهزية سيارتك للانطلاق بعيد عن الطرق الرئيسية، وتأكد من إنك تعبي البنزين وتشيك على البطارية والزيت والماء وضغط هواء الكفرات، وطبعًا احرص دايمًا أن يكون عندك ستبنه/ سبير.

:أفضل مواقع الكشتات

وادي حنيفة – الرياض

واحد من أفضل مواقع الكشتات عند أهل الرياض وخصوصًا العائلات، يبلغ طول الوادي ١٨٠ كيلومتر تقريبًا، تقدر تتمشى هناك بالسيارة أو تستمتع بجولة على رجولك، الهواء عليل بالمنطقة هذي ولكن يفضل إنك تبعد عن المنطقة في وقت السيل

:السيارة المناسبة مازدا سي اكس Mazda cx5 - 5

هذي هي السيارة المناسبة لسهولة التنقل فيها، حجمها متوسط بس تقدر تشيل عايلتك وعفشك بالراحة

 بالإضافة لتصميمها الجميل، فيها عدة مميزات مثل نظام التحذير في المناطق العمياء ونظام تحذير مغادرة المسار وفرامل مانعة للانزلاق، وعشان تكمل الطلعة، يتوفر بالسيارة نظام صوتي فاخر و٦ مكبرات صوت

وادي القمر – جدة

يبعد وادي القمر عن مدينة جدة ١٢٠ كيلومتر تقريبًا، مكان مثالي للي يدورون عن الكشتات والنزهات وتسلق الجبال بعيد عن صخب المدن. سواء لحالك أو مع أهلك/اصحابك، وادي القمر مكان يستحق زيارتك

:السيارة المناسبة
شيفروليه  تاهو - Chevrolet Tahoe

السيارة المناسبة لوادي القمر هي التاهو، سيارة مثالية لتحميل الأغراض ثقيلة الوزن ومناسبة للطرق الوعرة والغير معبدة عشان ما تشيل هم التغريز، لا تنسى تستخدم مكبرات الصوت العشرة وفتحة السقف البانورامية عشان تعيش الجو

شاطئ نصف القمر- الخبر

الكشته مو لازم تكون بالبر بس! شاطئ نصف القمر من أهم الوجهات البحرية لأهل الشرقية والناس اللي جايه من برا الشرقية. المكان مثالي للاسترخاء والاستمتاع بالجو الجميل مع العائلة والأصدقاء، ويميزه توفر نشاطات للجميع الكبار والصغار

:السيارة المناسبة
هيونداي كونا - Hyundai Kona

تعتبر هذه السيارة مناسبه لرحلة شاطئ نصف القمر بسبب صغر حجمها اللي يسمح لك بالتنقل واختيار المكان المناسب بكل سهولة، بالإضافة للجودة والراحة اللي تقدمها السيارة لرحلات طويلة مثل هذي، تتسع لعائلتك وفيها مساحة تحميل مناسبة. كل الميزات الترفيهية متوفرة بهذي السيارة مثل نظام الملاحة، والصوت، والشحن اللاسلكي للأجهزة

نتمنى لك كشته سعيدة، وقت ممتع ورحلة آمنة

ولا تنسى تقترح لنا مكان للكشته على هذا الهاشتاق #كشته_انفيجو واحنا راح نقول لك السيارة المناسبة

:تعرف علي خدمات انفيجو

1- تاجير سيارات ينتهي بالتمليك
2- تاجير سيارات شهرية